خبير الحب بيعلم

راجل خبير في دنيا الحب والحريم
طرطق ودانك واسمعوا انتى وهو
بيقول سلاسل دهب عمرو الحكيم
خد لك منه سلسلة وهي دي الاخوة

يالى تحب انك تحب
حاسب كيد بنات الخلايج
دا كيد النسا خلاك تهب
وجاعد حزين ومضايج

الحب في النت من الاحلام
والحلم ماتملك تحكم فيه
حاول تعيشه والسلام
بس ماتشبع قلبك ولا ترويه

اوعاك تفكر ان دول احباب
او حتى حبك انت صادق فيه
ورا كل صوت الف شباك وباب
وحدود بحور جبال الرمل ماليه

اوعاك تفكر نفسك ابو زيد
ولا عنتر ابن شداد تعشق
هاتكتب مش هاتمسك ايد
والميه لو فيها الهوا تشرق

على قلبك حط قفل حديد
بمفتاح دهب ملك ايدك
مع كل شمس الف حب جديد
طلع قديم وحط حب يفيدك

نقى الى عقلها واعي ومثقفة
حبها من بعيد لبعيد تفضل قريب
وعيش حياتك وماتجعلها متوقفة
ومتكنش وسط اهل بيتك راجل غريب

وانتى يابنت الناس اياكي في حب المراسلة تقعي
ده عبارة عن مضاد حيوي او فيتامين
كتر الاحبة فيكي يخلى قلبك يلوي
وما يعجبك حد وتعنسي شهور وسنين

يا ما صوت جميل والنبرة نبرة أمير
طلع ورا الصوت ذئب وخسيس
والحلوة صوتها جميل ونغمه خطير
وبلعبها بالقلوب مية الف قلب تعيس

يالى هويت العشق بالمعلقة
العشق ما ينفع ابدا كدا
تعال مدرسة الحب والمعشقة
أسمع كلامي ويالا لبي الندا

عمرو الحكيم
ملحوظة لمن يقرأ ( القيدة مكتوبة بالنغمة واللهجة الصعيدي)

انا جيت ولبيت الندا
وياريت لقيت حد هنا
كنت حكيت عن اللى انا حبيت
بس اه من كلمة ياريت لا بتفيد ولا حتى بتسعد بيت
لكن كلام عمرو الحكيم حلو وجميل والله العظيم
::warda::

» معنى الحب
» الان معي سوف تتعرف علي الحب وعانيه وما يتخفا ورء احداثه
» @@ نفسي حقيقي @@ من ابداعات فريق الحب والسلام @
» @@ صدفة @@ احمد يسري @ شاعر الحب والسلام @